Kryetarja e Kuvendit mesazh urimi për Ditën e Pavarësisë së SHBA-ve

Kryetarja e Kuvendit, Lindita Nikolla, ka shpërndarë një mesazh urimi për Shtetet e Bashkuara të Amerikës me rastin e Ditës së Pavarësisë së SHBA-ve.

Në mesazh kryeparlamentarja thekson se Shqipëria krenare për miqësinë ekzistenciale me SHBA.

Nikolla shton se 4 korriku nuk është vetëm një festë e SHBA, por një festë e kremtimit të demokracisë në të gjithë botën.

“Urimet më të përzemërta popullit amerikan, me rastin e 4 Korrikut, Ditës së Pavarësisë së Shteteve të Bashkuara të Amerikës.

4 Korriku është jo vetëm dita që shënon pavarësinë e një kombi, por një kremtim madhështor lirie dhe festë e madhe demokracie.

Shqipëria është krenare për miqësinë ekzistenciale, mbështetjen e fuqishme, bashkëpunimin e ngushtë dhe partneritetin strategjik me ShBA në NATO dhe në kontributet për mbrojtjen e paqes, sigurisë dhe lirisë së kombeve.”

LEXONI GJITHASHTU:

• Arrestimi i Ilir Beqajt, Braçe: Peshorja ka humbur ekuilibrin, po 21 janari?
• VIDEO| Momenti kur arrestohet ish-ministri i Shëndetësisë Ilir Beqaj
• Dosja me fondet e huaja që çoi në pranga Beqajn, nën gjykim dhe për “Sterilizimin”