Kryetarja e Shoqatës së Arkitektëve: Çfarë i rriti çmimet e apartamenteve në Tiranë

Matilda Pando, kryetarja e Shoqatës së Arkitektëve tha në emisionin Now në Euronews Albania se faktori i parë që ka ndikuar në rritjen e çmimit të apartamenteve është kërkesa për standard.

Sipas saj, prej vitesh tashmë, arkitektura nuk është më çështje strehe, por standardi që kërkohet dhe ofrohet.

“Ka një kërkesë të lartë për standard dhe ofrohet një standard. Edhe qyteti është policentrik, ka rritje të çmimit në qendër, që ka densitetin më të lartë, dhe drejt periferisë trendi nuk është njësoj. Ndikojnë disa faktorë, ndryshon diversiteti i ndërtimeve afër qendrës dhe në periferi. Mund të bëjmë analogji me të gjitha metropolet ndërkombëtare”, tha Pando.

Ajo u shpreh se një tjetër faktor që ndikoi në rritjen e çmimit të apartamenteve në Tiranë ishte lufta në Ukrainë.

Kjo për shkak të rritjes së çmimit të materialeve të ndërtimit që ndikojnë drejtpërdrejtë në çmimin e apartamenteve.

LEXONI GJITHASHTU:

• Meçe: Ndërtimet e reja të sigurta, studim risku për ndërtimet e viteve 85-95
• Salianji: Ndërtimet që bëhen në Korçë janë klienteliste