KS i OKB rrëzon kërkesën e Rusisë për seancë të jashtëzakonshme për Kosovën

Këshilli i Sigurimit i Organizatës së Kombeve të Bashkuara ka refuzuar kërkesën e Rusisë, për të vendosur në rend dite të agjendës, seancë të jashtëzakonshme për ndërhyrjen e forcave të NATO-s në Kosovë 25 vjet më parë.

Sipas burimeve nga mediat e Kosovës, vetëm tre anëtarë votuan pro gjatë një procedure formale, ndërsa 12 të tjerë abstenuan ndaj kësaj kërkese.

Përfaqësuesit e Francës dhe SHBA-së insistuan se Rusia nuk është konsultuar fare me anëtarët e Këshillit të Sigurimit për këtë seancë.

Kurse përfaqësuesi i Rusisë ka insistuar me arsyetimin se kërkesa e saj kishte figuruar në agjendë dhe ishte publikuar në kalendar nga Presidenca Japoneze e OKB-së.

LEXONI GJITHASHTU:

• Në Mal të Zi paralajmërojnë votë kundër pranimit të Kosovës në Këshillin e Evropës
• Diplomati: Kosova të jetë serioze në dialog, sepse Serbisë nuk i intereson