“Ku ka punë, ka dhe të meta”, Lela komenton primaret në PD

Analisti Alfred Lela tha në një intervistë për Euronews Albania se në primaret e PD-së ishte investuar shumë punë e si rrjedhojë kishte dhe të meta.

“Fakti që Tirana, që është dhe bashkia më e lakmuar, më e kontestuar në kuptimin kombëtar, por edhe disa bashki të tjera, primaret për bashkitë kaluan në balotazh tregon se nuk ka pasur shenja të asaj që u dyshua dhe u tha lart e poshtë në panele televizive për kandidatët e dëshiruar nga hierarkia e partisë,” – u shpreh Lela.

Analisti shtoi se kryesisht Tirana dëshmoi një garë shumë të fortë mes kandidatëve të primareve të Partisë Demokratike për këtë bashki.

Sipas tij këto zgjedhje ishin një sprovë shumë e mirë politikë dhe demokratike.

LEXONI GJITHASHTU:

• Mërtiri: Në primaret e PD-së kishte manipulime, jo garë
• Ndriçim Babasi tërhiqet nga balotazhi i primareve në Krujë