Ndriçim Babasi tërhiqet nga balotazhi i primareve në Krujë

Ish-deputeti Ndriçim Babasi, kandidat i PD për primarët në bashkinë Krujë është tërhequr nga gara.

“Arsyet janë shumë të thjeshta dhe kuptimplota që t’i hapim rrugë demokracisë, të forcojmë PD dhe t’i japim prioritet fitores së datës 14 maj 2023”, shkruan në kërkesën e tërheqjes Babasi.

Në Krujë nga 584 vota në total 4 prej fletëve janë shpallur të pavlefshme. Dy kandidatët më të votuar ishin Ndriçim Bajram Babasi me 346 vota dhe Agron Loka me 548 Loka.

Gara ka shkuar në balotazh pasi asnjëri prej tyre nuk ka arritur të sigurojë 50% të votave.

Partia Demokratike dhe Partia e Lirisë mësuan dje emrat e 48 kandidatëve që do të përfaqësojnë koalicionin opozitar përballë maxhorancës socialiste në zgjedhjet lokale të 14 majit.

Nga raundi i parë i procesit të primareve, vetëm 8 bashki nuk zbuluan emrat e kandidatëve dhe do të shkojnë në balotazh. Në Tiranë, Fier, Librazhd, Dibër, Sarandë, Mirditë, Mat dhe Krujë demokratët do t’i drejtohen sërish kutive të votimit për të zgjedhur kandidatin që do të garojë në 14 maj.

Më 11 dhjetor është përcaktuar data e balotazhit për këto 8 bashki.

LEXONI GJITHASHTU:

• Rezultatet e primareve, 8 bashki në balotazh më 11 dhjetor
• ‘Ishin fshirë listat’, Dogjani për Primaret në Kamzë: U abuzua me procesin