Ardit Bido, drejtori i arkivave të Shqipërisë, është shprehur se qeveria e Kosovës ka fajet e veta për situatën e tensionuar në Veri dhe prishjen e marrëdhënieve me ndërkombëtarët.

Komentet Bido i bëri në emisionin ‘Now me Erla Mëhillin’ në Euronews Albania, ku tha se Kosova është i vetmi vend i sanksionuar në Ballkanin Perëndimor, i cili sipas tij, përpiqet t’i shohë miqtë si armiq.

Ai tha gjithashtu se Serbia po luan me ‘dy porta’, me Rusinë dhe Perëndimin, një politikë që sipas tij i shkon përshtat interesave të saj.

“Kur flasim për gjeopolitikën ne nuk mund ta shohim thjeshtë në sfondin që Serbia është armiku, Serbia është me Rusinë dhe Perëndimi po e kërkon dhe pastaj të futemi në teza të vogla që po blen NATO-n me municione. Kushdo që merret çështje të sigurisë e di që A-ja e shitjes së sistemeve ushtarake është vendimmarrje politike dhe jo financiare.

Vendimmarrja për shitjen e Rafael është politike. Dhe nuk ka shanse Franca që të shiste Rafaele Serbisë, nëse shtetet e tjera të NATO-s do të ishin kundër. Serbia është duke luajtur me 2 karrige dhe kjo është e vërtetë. Dhe unë them i lumtë, pra ata po luajnë një loj që u shkon atyre në favor. Pyetja që unë ngre është çfarë bëjmë ne gabim. Për herë të parë po shohim që po çohet KFOR dhe po thotë për urën e Ibrit.

Ka një urë tjetër që kalojnë makinat atje, kjo është për këmbësorë. Ne duhet të shohim, që në vend që të themi se Franca apo SHBA është armiku… Pra kjo që ne bëjmë që aleatët i nxjerrim si armiq, është e gabuar. Republika e Kosovës, e njohur nga Gjermania, Franca, etj, është i vetmi vend në Ballkanin Perëndimor që është i sanksionuar”, tha Bido.

LEXONI GJITHASHTU:

• Sulmuan zyrtarët policorë të Kosovës, arrestohen të rinjtë në Mitrovicën e Veriut
• Vulin diskuton për Kosovën me sekretarin e Këshillit të Sigurisë së Rusisë