Ku po prodhohet çeliku në Ukrainë pas shkatërrimit të fabrikës Azovstal

Megjithëse fabrika e çelikut Azovstal në Mariupol është shkatërruar, prodhimi i çelikut vazhdon në një fabrikë tjetër, treqind kilometra larg.

Fabrika e çelikut Kamel-Stal është tashmë  fabrika më e madhe e çelikut në Ukrainë e cila është një nga prodhuesit më të mëdhenj të çelikut në botë.

Më shumë se 9000 njerëz punojnë këtu, shumë prej tyre kanë ardhur nga Azovstal.

“Azovstal u bë simbol i vendit tonë, i luftës sonë kundër armikut. Jam krenar që punoj për Metinvest Holding që përfshin fabrikën Azovstal. Duke parë këtë shembull, ne bëjmë punën tonë dhe kjo na ndihmon të besojmë në të ardhmen. Ne besojmë tek fitorja jonë”, thotw Dmytro Lyppa, drejtor i uzinës Kametstal.

Pavarësisht situatës së tensionuar, Kametstal prodhon disa tonë çelik çdo ditë, por menaxheri i fabrikës pranon se nuk është e thjeshtë.

“Ne po punojmë, po ulim kostot e prodhimit, por po humbim në konkurrencë. Kemi tre furra në këtë fabrikë, por fatkeqësisht vetëm njëra prej tyre punon. Ne kemi ulur prodhimin e produkteve përfundimtare me 2/3. Po humbasim shumë para”, tregon Lyppa.

Para pushtimit, çeliku i prodhuar në këtë kompleks transportohej nga Deti i Zi. Por tani, ata duhej të gjejnë rrugë të reja duke paguar të tjera kosto.

LEXONI GJITHASHTU:

• Macron dhe Scholz i kërkojnë Putin të lirojë ushtarët e dorëzuar në Azovstal
• Armët e Ukrainës, çfarë pajisjesh ushtarake po jep bota?