Ku shkon sot nafta shqiptare

Spanja, Malta, Italia, Gjermania, Britania e Madhe dhe 10 vende të tjera kanë marrë naftën tonë për ta përpunuar në rafineritë e tyre gjatë viteve të fundit.

Të dhënat tregojnë se pothuajse i gjithë produkti del jashtë vendit.

Me çmime burse dhe cmime të negociauara, këto shtete kanë avantazhin e rafinimit, proces i cili u sjell fitime disa herë më të larta sesa shtetit shqiptar, që nuk e ka një uzinë të mirëfilltë moderne.

“Leverdia më e madhe do të ishte që nafta të rafinohej në vend, sepse i rrit vlerën. Pra, në vend që ti të eksportosh naftë bruto me çmim X dhe ta përpunojë dikush tjetër, pra që i rrit vlerat dhe të importosh produktet me një çmim Y që është disa herë më i lartë. Pra, ti këtë vlerë do ta mbaje në vend”, u shpreh eksperti për menaxhimin e energjisë, Stavri Dhima.