Kuçani: Kontrolloni nivelin e antikorpeve para se të bëni vaksinën anti-Covid

Mjeku shqiptar në Austri, Arben Kuçani rekomandon që personat të cilët janë në dyshime për të kryer ose jo vaksinën anti-covid, të kontrollojnë fillimisht nivelin e antikorpeve që janë elementi i parë mbrojtës ndaj virusit.

Për emisionin “Mirëmëngjes” në “Euronews Albania”, Kuçani u shpreh se kjo mund të realizohet me një analizë të thjeshtë gjaku.

“Kush vendos nëse duhet të bëjë apo jo vaksinën, duhet të shkojë të kontrollojë sa e ka numrin e antikorpeve akoma. Mendoj se do të ishte indikatori i parë. Këtë unë e bëj çdo 6 muaj. Këtë sistem do t’ia kontrolloja çdo shqiptari. Me një analizë gjaku fare të thjeshtë e di se si e ke situatëm, je apo nuk je i mbrojtur”, tha ai.

Kuçani nënvizoi se personat të cilët kanë kryer vetëm një dozë të vaksinës nuk janë të mbrojtur për shkak të varianteve të reja.

Ndaj sipas tij, njerëzit duhet të marrin edhe doza të tjera për të qenë të mbrojtur.

LEXONI GJITHASHTU

• Bie numri i vaksinimeve anti-Covid në Shqipëri
• Doza e katërt nuk duhet të kryhet me të njëjtën vaksinë, thotë Alimehmeti