Kujdestarët për të moshuarit/ Ylli: Duhen krijuar regjistra për të plotësuar nevojat

Kujdesi për të moshuarit në Shqipëri vazhdon të bazohet tek mbështetja e familjarëve. Alban Ylli ekspert i Institutit të Shëndetit Publik shprehet se në kushtet kur numri i të moshuarve vjen në rritje, ngritja e qendrave rezidencial është një opsion shumë i kushtueshëm, ndaj zgjidhja mbeten kujdestarët në shtëpi.

 “Do të duhet të orientohemi drejt komunitetit të shërbimeve në shtëpi, familjeve do tu duhet të vazhdojnë të mbajnë një pjesë të barrës por ato duhen mbështetur. Në si shoqëri si sistem  duhet të bëhemi të ndërgjegjshëm që kujdestarët në shtëpi një pjesë e të cilëve janë formal, marrin pagesë janë trajnuar por një pjesë e madhe janë informal, mund të jenë familjar, fqinj që nuk e di askush punën që ata bëjnë të heshtur”, Alban Ylli, ekspert i geriatrisë.

Por ajo çfarë duhet bërë është identifikimi dhe krijimi I një regjistri për të moshuarit dhe kujdestarëve të tyre.

 “Duhet bashkitë të vijojnë të bashkëpunojnë me shërbimet shëndetësore dhe të fillojnë nga identifikimi nevojave, nga regjistrat , ekipet multidisiplinale duhet të verifikojnë ku janë problemet ku janë shtëpitë ku vuajnë të moshuarit”, Alban Ylli, ekspert i geriatrisë.

Sipas një raporti të publikuar nga Organizata Botërore e Shëndetësisë  kujdestarët e të moshuarve janë në shumicën e tyre gra, të cilat nuk paguhen për punën që bëjnë.

LEXONI GJITHASHTU:

• Rama: 33% e buxhetit për kujdesin social, bonusi i pensionistëve jepet brenda…
• Punonjësi i kujdesit për fëmijë akuzohet për abuzim seksual të 91 të miturve