Kujt i dedikohet suksesi i kombëtares shqiptare?! Basha: Nuk ka qenë fati por…

Barometri në Euronews Albania për herë të parë sjell mendimin e qytetarëve për Kombëtaren shqiptare të futbollit dhe pritshmëritë e tyre për Europianin.

Në pyetjet e para ata kanë dhënë dakordësinë e tyre për aktorët që duhet t’ju dedikohet suksesi për këtë arritje të futbollit shqiptar.

Mes kreut të Federatës Armando Duka, trajnerit të Kombëtares Silvinjo, lojës së lojtarëve aktivë në ndeshjet kualifikuese, mbështetjes së qeverisë për Kombëtaren, apo edhe fatit, qytetarët kanë shprehur mendimin e tyre.

Shumica ( 83,8 për qind ) ja dedikojnë lojtarëve, 80,4 për qind trajnerit të Kombëtares, 50,6 mendojnë që i dedikohet fatit , 50,1 për qind Armando Dukës dhe 42,2 për qind qeverisë.

Anëtare e Komitetit Ekzekutiv në FSHF, Anila Basha përjashtoi fatin në suksesin e Kombëtares Shqiptare.

E ftuar në emisionin “Barometri”, ajo theksoi se suksesi i dedikohet skuadrës dhe FSHF për kontributin që kanë dhënë.

“Kualifikimi i Kombëtares shqiptare në Euro 2024 është ngjarje madhore që impakton gjithçka në shoqërinë shqiptare. Më bëri përshtypje që keni anketuar më shumë vajza se sa djem. Pavarësisht kësaj, kualifikimi i Kombëtares ka impakt. Të gjithë faktorët dhe aktorët e prekshëm në sondazh kanë ndikuar, maksimalisht për kualifikimin e kësaj kombëtarje ne Europian. Më vonë pati një korrelacion shumë të madh mes lojtarëve, stafit teknik, presidencës, dhe gjithë infrastruktura e kuruar deri në detaje për të arritur në këtë sukses. Fatin do e përjashtoja në suksesin e Kombëtares, suksesi i dedikohet FSHF”-tha ajo.

LEXONI GJITHASHTU: 

• Përveç raketave Javelin, Kosova kërkon të blejë edhe armë të tjera
• PPE kundërshton debatin për zgjedhjet në Serbi