Kumbaro: Mbi 5 milionë turistë vizituan Shqipërinë, 29% më shumë se në 2021

Ministrja e Turizmit dhe Mjedisit, Mirela Kumbaro, deklaroi këtë të martë se deri në fund të muajit gusht mbi 5 mln turistë vizituan Shqipërinë.

Në konferencën e bilancit të sezonit turistik veror, ku ishte i pranishëm edhe kryeministri Edi Rama, ministrja sqaroi se në këtë shifër nuk përfshihen shtetasit nga Kosova.

“Mbi 5 milionë turistë deri në fund të gushtit, nuk përfshihen shtetasit nga Kosova. 29 % më shumë vizitorë të huaj sesa vitin e kaluar, rritje të turistëve nga Anglia, Franca, Gjermania dhe Spanja. Për vitin 2023 ka nisur që në 25 gusht, stacionet e plazheve dhe zbatimi i rregullave të reja për stacionet e ankorimit të mjeteve lundruese do të hyjnë në funksion brenda vjeshtës”, u shpreh Kumbaro.

LEXONI GJITHASHTU:

• Kryebashkiakja Sako: Durrësi është vizituar nga mbi 1 milion turistë këtë vit
• Pushime në shtator/ Manastiri i Zvërnecit, një nga preferencat e turistëve të huaj
• Festa e rakisë së manit/ Boboshtica pret dhjetëra turistë, mungon muzeu i premtuar