Kunati dhe viktima jetonin në një shtëpi, pamjet kur e ëma kthehet në banesë

Një ngjarje e rëndë ka ndodhur mesditën e kësaj të mërkure në fshatin Kusarth të Elbasanit. 44-vjeçarja Alma Qevani u godit për vdekje me sëpatë nga burri i motrës së saj Tefik Tashi.

Gazetarja e Euronews Albania, Sara Demushi arriti të siguronte disa intervista nga fqinjët e 44-vjeçares. Si dhe ka siguruar pamje të nënës së saj teksa kthehej në banesë.

Sipas banorëve të kësaj zone, nuk dihet nëse kanë pasur konflikte të mëparshme, por ata thanë se jetonin në një shtëpi.

“E kishin marrë këta në shtëpi. Nuk e di si kanë jetuar në shtëpi, se kanë dy shtëpi. Po ne nuk kemi pasur komunikim fare, as mirëmëngjesi, asgjë. S’kemi dëgjuar për konflikte, se ne jemi larg. As kemi dëgjuar dhe as kemi parë gjë”,-tha fqinja.