Kundërpërgjigjet Genta Sula: Pse dosja për Metën nuk është e falsifikuar

Kryetarja e Autoritetit të Dosjeve, Genta Sula e ka cilësuar të pabazë padinë e ish-presidentit Ilir Meta në drejtim të institucionit që ajo drejton për falsifikim të dokumenteve.

Në emisionin Now në Euronews Albania, Sula shpjegoi se dokumentet janë ruajtur në mënyrën më të rregullt të mundshme dhe janë të pamanipulueshme.

“Kur japim dokumente, jepen të redaktuara, hiqen identitetet e personave të tretë, dokumentacioni ka të gjitha rregullat e parandalimit të manipulimit. Dokumentet janë edhe në formën mikrofilm, janë marrë nga Shërbimi Informativ në të dy versionet dhe janë identike”, sqaroi Sula.

Ajo tha se nuk i trembet akuzës së Ilir Metës, pasi falsifikimi i dokumentit sipas saj është i pabazë.

LEXONI GJITHASHTU:

• Genta Sula tregon pse u publikua çështja e shtetasit I.M
• Sula: 78 personalitete kanë qenë ish-bashkëpunëtorë të Sigurimit dhe vijojnë punën