Kuqezinjtë e nisin ndaj Italisë, Spalletti: Shqipëria një ndër më të fortat e grupit

Italia do të jetë kundërshtari i parë i Shqipërisë në Euro 2024, me sfidën e planifikuar për më 15 qershor në Dortmund. Trajneri Luciano Spalletti komentoi shortin duke vlerësuar jo pak edhe kuqezinjtë.

“Për momentin Shqipëria është një nga më të fortat në qarkullim. Po luan futboll shumë të bukur dhe është në kushte fantastike. Të shohim a do të jetë në këtë nivel edhe në muajin qershor. Nuk mund të bëj parashikime”, – tha tekniku italian.

Spalletti e mbylli me një lutje, duke ditur se që nga fitorja e Euro 2020 në Wembley, Italia ka humbur menaxherin e ekipit Gianluca Vialli, i ndarë nga jeta për shkak të një sëmundjeje të pashërueshme.

“Shpresojmë që Vialli të na mbrojë”, – deklaroi tekniku i axurrëve.

LEXONI GJITHASHTU:

• Shqipëria në grupin më të vështirë, shorti i plotë i Euro 2024. Të gjitha përballjet
• Hidhet shorti i Euro 2024, Shqipëria në grupin e “ferrit”, me Spanjën dhe Italinë