Shqipëria në grupin më të vështirë, shorti i plotë i Euro 2024. Të gjitha përballjet

Ditën e sotme në Hamburg të Gjermanisë është hedhur shorti i fazës së grupeve për kampionatin europian “Euro 2024”.

Shqipëria do të ketë në grup Spanjën, Kroacinë dhe Italinë, skuadra vërtetë të fuqishme dhe me emër të madh në kompeticionet ndërkombëtare, çka do të bëjë që edhe përballjet të jenë të vështira.

Deri tani janë përcaktuar 20 skuadra nga ndeshjet eliminatore, Gjermania që është kualifikuar automatikisht si vend organizator dhe tri vendet e fundit do të vendosen nëpërmjet fazës “playoff” që do të mbahet në mars 2024.

Kujtojmë se ekipi i Silvinjos pasi mbylli ndeshjet kualifikuese në vendin e parë, u pozicionua në vazon e dytë, bashkë me kombëtaret e Danimarkës, Hungarisë, Turqisë, Rumanisë dhe Austrisë, me të cilat nuk mund të përballemi në fazën e grupeve.

Në vazon e parë ishin Gjermania, Anglia, Franca, Spanja, Belgjika dhe Portugalia.

Në vazon e tretë ishin Holanda, Skocia, Sllovenia, Sllovakia, Kroacia dhe Çekia.

Ndërsa në vazon e katërt ishin Italia, Serbia dhe Zvicra deri tani, si edhe tri vendet e “playoff”-it.

Shorti:

GRUPI A: Gjermani, Skoci, Hungari, Zvicër

GRUPI B: Spanjë, Kroaci, Itali, Shqipëri.

GRUPI C: Slloveni, Danimarkë, Serbi, Angli.

GREPI D: Play-off A, Holandë, Austri, Francë

GRUPI E: Belgjikë, Sllovaki, Rumani, Play-off B

GRUPI F: Turqi, Play-off C, Portugali, Çeki

LEXONI GJITHASHTU:

• Kush janë Kombëtaret e kualifikuara në Euro 2024
• U kualifikua në Euro 2024 në grupin e Shqipërisë, trajneri jep dorëheqjen