Kur do ta shqyrtojë Kuvendi kërkesën e SPAK? Gazetarja zbulon detajet

Gazetarja e Euronews Albania, Eksiola Shehu ka dhënë detaje lidhur me veprimet që do të kryhen që ta shqyrtojë Kuvendi kërkesën e SPAK për Belinda Ballukun.

Ajo thekson se pas mbledhjes së 10 anëtarëve të Këshillit të Mandateve dhe Rregullores dhe Imunitetit, kryetari i Kuvendit njofton Ballukun dhe ajo zgjedh nëse do të jetë prezente, të përfaqësohet nga mbrojtësi i saj ligjor ose të bëjë parashtrimet me shkrim në Kuvend.

Gazetarja shton se pas mbledhjes Këshilli ka dy javë kohë për të hartuar një raport që më pas do t’i përcillet seancës plenare për votim. Votimi është i hapur në Kuvend dhe nuk diskutohet raporti në seancë.

“Kryetari i Kuvendit Niko Peleshi do të duhet të lajmërojë 10 anëtarët e Këshillit të Mandateve dhe Rregullores dhe Imunitetit për shqyrtimin e kërkesës së SPAK.

Menjëherë pas lajmërimit të anëtarëve do të jetë kryetari i Kuvendit që do të njoftojë deputeten Belinda Balluku për kërkesën që ka mbërritur në Kuvend nga SPAK.

Më pas do të caktojë një datë dhe orar për mbledhjen e Këshillit të Mandateve, Rregullores dhe Imunitetit. Ky është hapi i barë që duhet bërë”, tha ajo.

LEXONI GJITHASHTU:

• BE do të zbusë ndalimet për makinat e reja me benzinë ​​dhe naftë
• Heqja e imunitetit të Ballukut, zbulohet dita kur mblidhet Këshilli për Mandatet