Kur fillon gjyqi ndaj Puff Diddy-t dhe sa vite burg rrezikon këngëtari

Gjyqi i producentit dhe këngëtarit të njohur amerikan Sean “Diddy” Combs do të fillojë më 5 maj 2025, sipas një vendimi të gjyqtarit Arun Subramanian gjatë një seance paraprake. Diddy, i cili u paraqit në gjykatë për herë të parë në Nju Jork, përballet me akuza të rënda për trafikim seksual, rrëmbim, punë të detyruar, zjarrvënie, posedim droge, ryshfet dhe pengim të drejtësisë.

Aktakuza prej 14 faqesh e detajon se Combs organizonte festa të njohura si “Freak Off”, ku të pranishmit thuhet se detyroheshin të kryenin marrëdhënie seksuale. Ai akuzohet gjithashtu për përdorimin e ndikimit të tij për të manipuluar viktimat përmes kërcënimeve dhe dhunës psikologjike, verbale dhe fizike. Gjithashtu, raportohet se Combs u ofronte ryshfet dëshmitarëve dhe viktimave për të heshtur ose për të dhënë dëshmi të rreme.

Diddy i ka mohuar të gjitha akuzat dhe nëse shpallet fajtor, ai mund të përballet me një dënim deri në 15 vjet burg.

LEXONI GJITHASHTU:

• Skandali i P Diddy-t, reperi përballet me 120 akuza të tjera për abuzim seksual
• Akuzohet për abuzime seksuale, reperi Diddy lihet në qeli