“Kur flet Albana injoranca çohet nga varri”, Balla: E keni problemin me veten

Kryetari i grupit parlamentar të PS, Taulant Balla iu përgjigj debateve të PD së drejtuar nga Sali Berisha në Kuvend që kërkonin mocion me debat pa limit lidhur me skandalin McGonigal.

Balla iu kujtoi demokratëve rregulloren e kuvendit, që siç tha e kishin zbatuar grupi tjetër i deputetëve të PD të drejtuar nga Alibeaj të cilët kishin fituar një interpelancë me kryeministrin lidhur me këtë çështje.

Në një moment Balla u përplas me deputeten demokrate Albana Vokshi e cila bashkë me të tjerë deputetë të PD kishin bllokuar foltoren dhe fliste gjatë kohës që fliste edhe ai.

“Keni një problem mes vetit, se po të ishit seriozë dhe të donit mocion me debat do kishit lexuar pak nga kjo dhe do ta sillnit në të njëjtën kohë që e kanë sjellë këta të tjerët, sepse ka disa afate… kur flet Albana për injorancë, injoranca çohet nga varri. Do ta ftoja Kuvendin të votohet kërkesa për ndryshim rendi dite, do kërkoje të mbyllnim votimin me procesverbalin dhe të vazhdojmë. Nesër të mbledhim Konferencën e Kryetarëve për kërkesën për mocion me debat”, tha Balla.

LEXONI GJITHASHTU:

• Opozita bllokon foltoren e Kuvendit, deputeti i PS kapet “mat” duke luajtur shah
• Opozita bllokon foltoren, Vokshi nxjerr videon e Ramës për ish-zyrtarin e FBI