Opozita bllokon foltoren, Vokshi nxjerr videon e Ramës për ish-zyrtarin e FBI

Ka nisur me tensione ashtu siç ishte paralajmëruar, seanca e së enjtes në Kuvendin e Shqipërisë. Deputetët e PD kanë bllokuar foltoren duke kërkuar mocion me debat pa limit lidhur me skandalin McGonigal.

Deputetja e PD Albana Vokshi tregoi një video të kryeministrit Edi Rama shtatorin e vitit të kaluar ku thotë se McGonigal ka qenë dhe është miku i tij.

Kryetarja e Kuvendit, Lindita Nikolla i ka hequr mikrofonin deputetes së PD duke i kërkuar të lirojë foltoren.

Deputeti i PD-së Luçiano Boçi, i cili mori fjalën për procedurë, hodhi akuza të forta mbi kryeministrin.

Boçi tha se Rama duhet të arrestohet pasi ka kryer një akt tradhtie ndërkombëtare duke korruptuar zyrtarin e FBI-së për të eliminuar opozitën.

LEXONI GJITHASHTU:

• Çështja McGonigal| PD-ja kërkesë Kuvendit: Mocion me debat dhe pa limit kohor
• Protesta e 11 shkurtit, skenari i Sali Berishës për tubimin dhe seancën e kuvendit