“Kur të pret shqiponja”- Rama ndan foton nga zyra e kancelarit Olaf Scholz

Kryeministri Edi Rama po merr pjesë në takimin e Procesit të Berlinit, i cili po mbahet në Gjermani, një ngjarje e rëndësishme për forcimin e marrëdhënieve mes vendeve të Ballkanit Perëndimor dhe Bashkimit Evropian.

Shefi i qeverisë ka zgjedhur të ndajë me ndjekësit e tij në rrjetet sociale një foto nga zyra e kancelarit gjerman, Olaf Scholz.

Në foto, shihen kryeministri Rama, ndërsa pas tij dallohet një vepër arti që përmban një shqiponjë, simbol i identitetit shqiptar.

“Kur shqiponja të pret për drekën e punës në zyrën e Kancelarit të Gjermanisë,” shkruan Rama.

Procesi i Berlinit luan një rol të rëndësishëm në bashkëpunimin mes vendeve të Ballkanit Perëndimor dhe avancimit të tyre në proceset evropiane.

LEXONI GJITHASHTU:

• Hapja e kampit në Gjadër, Rama: Emigrantët nuk mund të lëvizin lirshëm në Shqipëri
• Rama: Marrëveshja për emigrantët “ekskluzive” për Italinë, asnjë vend tjetër