Kurti: Atyre që cenojnë zgjedhjet në veri do t’i përgjigjemi me forcën e ligjit

Kryeministri i Kosovës, Albin Kurti ka deklaruar se pluralizmi politik dhe mbi të gjitha e drejta e votimit të lirshëm dhe pa pengesa te komuniteti serb, janë të domosdoshme.

Teksa është pyetur nëse do të ketë zgjedhje në veri, Kurti ka thënë se e kanë vënë në dispozicion për përgatitjen e për organizimin e duhur të zgjedhjeve në katër komunat në veri të vendit, shkruan KosovaPress.

Sipas tij, aktualisht ministrit e linjës dhe institucionet tjera përgjegjëse janë në koordinim dhe komunikim të vazhdueshëm me KQZ-në për të adresuar çështjet dhe për të përmbushur kërkesat që dalin nga ky proces.

Kurti paralajmëroi se kushdo që do të cenojë të drejtën e votës do përballet me ligjin.

“Ministria e Brendshme, ajo e pushtetit lokal dhe Ministria e Arsimit janë angazhuar sipas fushëveprimit të tyre në ofrimin e kushteve të sigurisë, administrative dhe infrastrukturore për të mundësuar organizimin dhe mbarëvajtjen e zgjedhjeve nga ana e KQZ-së. Përtej kësaj shfrytëzoj rastin të them se pluralizmi politik dhe mbi të gjitha e drejta e votimit të lirshëm dhe pa pengesa te komuniteti serb janë të domosdoshme. Kushdo që vijojnë ta cenoj këtë të drejt themelore nuk ka çka të pres tjetër përveç se përgjigjen e institucioneve tona me forcën e ligjit”, tha ai.

LEXONI GJITHASHTU:

• “Kurti nuk reagoi për gjyqin e UÇK”, gazetari zbulon pse hesht kryeministri
• Kurti-Vuçiç sërish bashkë. Çfarë pritet të ndodhë më 22 prill