Kurti-Vuçiç sërish bashkë. Çfarë pritet të ndodhë më 22 prill 

Më 22 prill pritet që të ketë takim të nivelit të lartë politik mes kryeministrit Albin Kurti e presidentit serb, Aleksandër Vuçiç.

Këtë deklaroi Besnik Bislimi  pas takimit që pati në Bruksel me kryenegociatorin serb, Petar Petkoviç, ku folën për çështjen e implementimit të Marrëveshjes së Ohrit

Ai tha se më 22 prill pritet që të prezantohet një draft fillestar i grupit të menaxhmentit.

Kosova dhe Serbia kanë renë dakord për tekstin e deklaratës për personat e pagjetur. Këtë e bëri të ditur kryenegociatori serb Petar Petkoviç, pas takimit trepalësh në Bruksel me zëvendëskryeministrin e Kosovës, Besnik Bislimin, dhe përfaqësuesin e Posaçëm të Bashkimit Evropian për dialogun Kosovë-Serbi, Mirosllav Lajçak.

“Vetëm do të shtoja se kemi pasur kujdes të veçantë për të gjitha termet dhe se nuk e kemi pranuar termin e përmendur në konventën ndërkombëtare për zhdukjen e dhunshme, sepse jemi kujdesur që të mos rrezikojmë interesat e Serbisë”, tha Petkoviç pas takimit të së martës.

Petkoviç tha se është biseduar edhe për formimin e Asociacionit me shumicë serbe.

“Pas kaq vitesh sot diskutuam për herë të parë hapat më konkretë për formimin e Asociacionit në kuadër të takimit trepalësh. Më saktësisht, çfarë duhet të bëjë ekipi menaxhues e në përputhje me marrëveshjet e vitit 2013 dhe 2015, është e qartë se hapi i parë është prezantimi i statutit”, shtoi Petkoviç.

LEXONI GJITHASHTU:

• “Bisedime do jenë një torturë e rëndë”, Vuçiç sulmon Albin Kurtin për dialogun
• Kurti: Marrëveshja duhet zbatohet, më 4 prill takimi i radhës