“Kurti nuk reagoi për gjyqin e UÇK”, gazetari zbulon pse hesht kryeministri

Kryeredaktori i Telegrafi.com Muhamet Hajrullahu, ka folur në lidhje me reagimet për gjyqin në Hagë ndaj ish-udhëheqësve të UÇK-së, Hashim Thaçi, Jakup Krasniqi, Rexhep Selimi dhe Kadri Veseli.

I ftuar në Euronews Albania, ai tha se liderët e institucioneve të Kosovë kanë bërë mirë që kanë heshtur për gjyqin në Hagë pasi mund të merret si ndërhyrje në procesin e drejtësisë.

Këtë deklaratë e bëri kur u pyet se përse nuk ka reaguar Albin Kurti për gjyqin ndaj ish-komandantëve të UÇK-së.

“Mendoj se liderët e institucioneve të Kosovës kanë bërë mirë që nuk kanë reaguar sepse çdo reagim i tyre  në mënyrë të drejtpërdrejt, mund të merret si ndërhyrje në procesin e drejtësisë dhe kjo mund t’i bëjë dëm në këtë fazë njerëzve që po ballafaqohen me drejtësinë në Hagë. Më mirë është që nuk po flasin sesa të flasin e të bëjnë dëm. Ka pasur disa reagime, si Rama, Ali Mehmeti në Maqedoni dhe nga opozitarët në Kosovë”- tha ai.

LEXONI GJITHASHTU: 

• “Më është zhdukur gruaja”- Burri denoncon humbjen e kontakteve me bashkëshorten
• Goditen lojërat e fatit në Elbasan, arrestohen 2 administratorët e lokaleve