Kurti: Jemi në pritje të KFOR-it për heqjen e barrikadave në Veri

Kryeministri i Kosovës, Albin Kurti tha se është ende në pritje të KFOR-it për heqjen e barrikadave në veri të vendit.

Sipas tij, më e mira do të ishte që barrikadat të hiqeshin nga ata që i kanë vendosur.

“Më së miri do të ishte që të hiqen nga ata që i kanë vendosur, mirëpo ata që i kanë vendosur ato barrikada janë vendosur edhe vetë në barrikada, madje me armatim.

Nuk janë këto barrikada civile dhe, në anën tjetër, ne kemi dhënë kohën e kërkuar prej KFOR-it që ata ta bëjnë heqjen e këtyre barrikadave, dhe ministri ynë i Punëve të Brendshme po pret”, deklaroi Kurti për ATV.

Ai është shprehur se barrikadat në veri të Kosovës nuk mund të qëndrojnë aty, jo vetëm pse shkelin ligjin dhe lëvizjen e lirë, por në të njëjtën kohë edhe për shkak se vetë qytetarët serbë janë më të bllokuarit.

LEXONI GJITHASHTU

• Serbia i dërgon kërkesën KFOR-it për kthimin e trupave serbe në Kosovë
• Von Cramon: Integrimi i Kosovës në BE varet edhe nga dialogu me Serbinë
• Kroacia uron Kosovën për aplikimin për anëtarësim në Bashkimin Evropian