Kurti: Ndërkombëtarët të dënojnë dhunën e bandave kriminale në Veri

Kryeministri i Kosovës, Albin Kurti, tha se pret që sot të largohen të gjitha barrikadat në veri të vendit.

Ai u shpreh se Veri janë gjithsej nëntë barrikada dhe se strukturat paralele atje janë shndërruar në banda kriminale të nxitura dhe financuara nga Beogradi.

Në konferencë për mediat, kreu i qeverisë së Kosovës i bëri thirrje faktorit ndërkombëtar dhe NATO-s të dënojnë dhunën dhe agresionin e bandave kriminale në veri.

Ai tha se dy vendimet qeveritare për reciprocitetin në dokumente dhe targa ilegale janë shtyrë deri më 1 shtator 2022, por fillimisht duhet të sigurohet liria e lëvizjes në veri.

Ndërsa, ministri i Punëve të Brendshme, Xhelal Sveçla, tha se dje janë lënduar rreth 12 qytetarë në veri.

LEXONI GJITHASHTU:

• Rama: Situata në Veri tregoi pse Kosova duhet të vijë në Ballkanin e Hapur
• Vuçiç-serbëve të Veriut: Faleminderit që e ruajtët emrin dhe mbiemrin