Kurti: Serbët të marrin targat e Kosovës, barrikadat u vendosën me urdhër nga lart

Kryeministri i Kosovës, Albin Kurti deklaroi se më 1 shtator do të fillojë zbatimi i dy vendimeve të qeverisë, për targat dhe letërnjoftime.

Gjatë mbledhjes së qeverisë këtë të mërkurë, Kurti u shpreh se edhe pas kësaj date do të vazhdojnë fushatën informuese për tabelat e veturave.

Kurti, u është adresuar qytetarëve përveç në gjuhën shqipe edhe në atë serbe, ku tha ka  se përballë thirrjes për ligjshmëri është ngritur një fushatë e dezinformimit që synonte destabilitet.

“E dimë që barrikadat që vendosen në veri nuk vinë nga poshtë, por vendosen nga lart, nuk ju përfaqësojnë juve qytetarëve tanë e as nuk ju mbrojnë juve. Në anën tjetër, Policia e Kosovës është më shërbim të qytetarëve tanë pa dallim. Askush nuk është imun ndaj dezinformatave, rreziku prej tyre është shumë i madh.

Na duhet kujdes i shtuar. Sot dezinformimi paraqet rrezik për sigurinë kombëtare. Fushata jonë e informimit për tabelat e veturave do të vazhdojë e nuk do të ndalet as pas 1 shtatorit kur do të fillojnë të zbatohen dy vendimet tona”, theksoi ai.

LEXONI GJITHASHTU

• Stoltenberg: Kosova dhe Serbia të shmangin veprimet e njëanshme
• Vuçiçit i kërkohet debat në Kuvend për reciprocitetin me Kosovën
• Kurti: Situata në Veri rrezikonte të përfundonte në konflikt të armatosur