Kurti takim me avokatët e ish-drejtuesve të UKÇ-së në Hagë

Kryeministri i Kosovës, Albin Kurti zhvilloi një bashkëbisedim online me avokatët e ish-drejtuesve të UÇK-së që Prokuroria Speciale ka dërguar për gjykim në Hagë. Përreth dy orë ekipet mbrojtëse shpalosën kërkesat e tyre ndaj Qeverisë së Kosovës.

Takimi u mbajt si rezultat i nevojës për të diskutuar dhe adresuar kërkesat e bëra nga ekipet mbrojtëse: procesi i stërzgjatur i mbajtjes në paraburgim të të akuzuarve, mos-respektimi i praktikës së Gjykatës Evropiane për të Drejtat e Njeriut, mungesa e përkthimeve dhe, në veçanti, mos marrja në konsideratë e pushtimi dhe krimeve të Serbisë në Kosovë gjatë viteve të ’90-ta.

Kryeministri Kurti propozoi që takime të tilla të mbahen në vazhdimësi dhe të jenë të rregullta. Prej më shumë se 15 muajsh, ish komandantët e UÇK-së, Hashim Thaçi, Jakup krasniqi, Kadri Veseli dhe disa bashkëluftëtarë të tjerë, janë duke dhënë sqarimet e tyre para gjykatës së Hagës, nën akuzën e krimeve të luftës.