Kurti takon Walker, njeriun që i tregoi botës krimet e luftës në Kosovë

Kryeministri i Kosovës, Albin Kurti gjatë qëndrimit në ShBA, ka takuar ish-ambasadorin e OSBE-së, William Walker, i cili zbuloi para botës krimet e luftës që ndodhnin në Kosovë.

Kreu i ekzekutivit ka shpërndarë edhe një fotografi nga ky takim, sipër së cilës ka shkruar se diplomatët e së vërtetës për krimet e kryera gjatë luftës janë miq të popujve dhe armiq të diktatorëve, shkruan KosovaPress.

Ai ka shtuar ju duk njësoj sikur pata 25-vjetëve, kur me ish-ambasadorin Walker ishin takuar për herë të parë në Prishtinë.

“Duket gati njësoj si para 25 vjetëve kur u takuam për herë të parë në Prishtinë. Thua se është ndalur koha e tij për këtë dëshmitar të kohës sonë. Ishte kënaqësi ta takoj ambasadorin William Walker në Washington DC, të evokojmë kujtimet, të diskutojmë për të tashmen, të ndajmë shpresat dhe shqetësimet për të ardhmen. Diplomatët e së vërtetës për krimet e kryera gjatë luftës janë miq të popujve dhe armiq të diktatorëve”, ka shkruar Kurti.

Ka pasur raportime se William Walker ishte i zhgënjyer nga trajtimi që kishte marrë nga koha kur në krye të Qeverisë kishte ardhur kryeministri Albin Kurti e në presidencë Vjosa Osmani.

LEXONI GJITHASHTU:

• “Gënjen”, Petkoviç sulmon Kurtin për dialogun Kosovë-Serbi
• ​ Kurti: Jam gjithmonë i gatshëm të udhëtoj në Bruksel për takim me Vuçiç