Kurti zbulon shifrat: Sa vrasje janë kryer në Kosovë nga viti 2021 deri në 2024

Kryeministri i Kosovës, Albin Kurti, ka treguar disa statistika të Policisë, që tregojnë se nga viti 2021 deri në vitin 2024 në Kosovë janë kryer gjithsej 86 vrasje.

Përmes një postimi në rrjetin social “X”, Kurti thotë se 81 viktima janë shqiptarë, 3 serbë dhe 2 nga etnitë e tjera.

Ai tha gjithashtu se për tre serbët e vrarë në vitin 2022 në Mitrovicën e Veriut dhe Graçanicë, ka vetëm të dyshuar serbë si autorë të mundshëm.

“Statistikat zyrtare të policisë tregojnë se nga viti ’21 deri në ’24 janë kryer gjithsej 86 vrasje në 🇽🇰: 81 shqiptarë, 3 serbë dhe 2 etni të tjera. 3 serbë u vranë në ’22; 2 në komunën e Mitrovicës së Veriut dhe një në Graçanicë. Për të tre vrasjet ka vetëm të dyshuar serbë”, ka shkruar Kurti.

LEXONI GJITHASHTU:

• Kurti: Normalizimi i raporteve me Serbinë s’duhet të përzihet me KiE-në
• Përvjetori i vrasjes së Luan Haradinajt, Kurti: Gjaku i tij skuqi gurët e kufirit!