Kush do të drejtojë SHBA? Afro-amerikanët në Detroit presin rezultatin zyrtar të zgjedhjeve

Afro-amerikanët në Detroit, Miçigan nuk janë aspak të çuditur që numërimi i votave vazhdon dhe nuk ka ende një fitues zyrtar të zgjedhjeve presidenciale në Shtetet e Bashkuar të Amerikës, megjithatë e konsiderojnë këtë fakt si tregues i ndasisë që ka përfshirë vendin.

“Është e trishtë dhe shumë zhgënjyese për cilëndo parti, për të dyja partitë, të gjithë ne si amerikanë duhet të qëndrojmë sipër ndarjeve politike, por ja që nuk jemi dhe për mua kjo është shumë zhgënjyese”, u shpreh Avery Williams, avokat.

 “Është një çmenduri, nuk e di, për të gjithë ne. E ardhmja është e panjohur. Mendoj se kjo është një situatë e re për të gjithë ne, prandaj që duhet të mësohemi dhe të presim. Nuk kemi zgjidhje tjetër veç të kemi durim dhe të presim”, thotw Keimarr Parker, punonjës i Amazon.

Votat në shtetet e Miçigan, Arizonas, Pensilvanisë, Nevadës dhe Wisconsin, po vazhdojnë të numërohen edhe gjatë ditës së mërkurë, teksa diferenca e votave midis dy kandidatëve vazhdon të mos përcaktojë se kush do të marrë drejtimin e SHBA-së në 4 vitet e ardhshme.