Kush e rrahu Berishën për të lënë në hije Tiranën? Flet Kreshnik Spahiu

Juristi Kreshnik Spahiu e cilësoi samtin BE-Ballkani Perëndimor si ngjarjen më të rëndësishme politike në Shqipëri këto 32 vjet, që e bëri vendin tonë qendrën e Europës.

Nisur nga rëndësia e kësaj dite, Spahiu në një intervistë për Euronews Albania e përjashtoi kategorikisht që Edi Rama të ketë lidhje me sulmin ndaj Sali Berishës sot në protestën e organizuar prej tij.

Sipas Spahiut, Rama ishte sot njeriu i fundit i interesuar për t’u marrë me Berishën.

Tirana ishte e përkëdhelura e Perëndimi, sot Evropa vendosi që Tirana është edhe kryeqyteti i balancave ballkanike ndaj e gjithë vëmendja ishte në Tiranë, ishte një dasmë evropiane në Tiranë. Kush ishte i interesuar të prishte këtë dasmë në Tiranë? A ishte i interesuar Rama të prishte dasmën e tij, do ja bënte autogolin vetes? Ai është njeriu që sot e ka ëndërruar çdo kryeministër, që të mblidhen në odën e tij gjithë kryeministër dhe i vetmi që donte 1000 për qind reklamë për veten dhe jo Berishën është Rama. Rama është i interesuari i fundit për të rrahur Berishën, ka pasur 10 vjet mundësi ta bëjë këtë, në dhjetëra e qindra protesta pse do e rrihte pikërisht sot? Sot ka qenë një grusht për të prishur damën evropiane në Tiranë”, tha Spahiu.

LEXONI GJITHASHTU:

• ‘As agjent, as i infiltruar’, Rrumbullaku përgënjeshtron Berishën
• Pse Gert Shehu goditi sot Sali Berishën? Përgjigjet mjeku i tij