Kush është 42-vjeçari shqiptar që u vra në Itali, arrestohet bashkatdhetari
Nikolin Nika, është 42-vjeçari shqiptar, i cili pasditen e të dielës u gjet i vdekur në qytezën e Bettolës në Itali.
42-vjeçari kishte marrë tre plagë të rënda në qafë dhe ndërroi jetë në vendngjarje, pavarësisht përpjekjeve të mjekëve për ta shpëtuar.
Policia italiane arrestoi një tjetër shqiptar si të dyshuar për vrasjen, vetëm disa orë pas ngjarjes.
Viktima, i cili jetonte në Bettola me bashkëshorten dhe dy fëmijët e tij, u gjet në një pellg gjaku përpara një lokali. Mediat italiane shkruajnë se ndërhyrja e shpejtë e shërbimit mjekësor, që arriti në vend rreth orës 17:30, nuk mundi të ndalonte fatin tragjik të 42-vjeçarit. Shkak i vdekjes ishte gjakderdhja tepër e madhe.
Hetimet për zbardhjen e ngjarjes janë ende në vazhdim. Policia ka kryer kontrolle në zonë, përfshirë edhe në ambientet e lokalit pranë vendit të krimit, për të gjetur armën e përdorur, e cila dyshohet të ketë qenë një thikë ose kaçavidë. Mësohet se ngjarja mund të ketë qenë pasojë e një sherri mes viktimës dhe autorit, por deri tani ende nuk ka detaje të plota mbi shkakun e vrasjes.
Policia ka nisur të pyesë dëshmitarët dhe të afërmit e viktimës për të hedhur dritë mbi dinamikën e ngjarjes. I arrestuari për momentin është akuzuar për vrasje me dashje dhe është dërguar në burg, ndërsa hetimet janë intensifikuar për të sqaruar motivet e këtij krimi tragjik.
LEXONI GJITHASHTU:
12 efektivë të dëmtuar gjatë protestës para Parlamentit, policia zbardh EMRAT
Protestuesit përplasen me faturinon dhe shoferin e autobusit të Tufinës (VIDEO)
Kryetari i Kuvendit reagon pas protestës: Dhuna ndaj policisë dhe deputetëve është e papranueshme
- 14:51 12 efektivë të dëmtuar gjatë protestës para Parlamentit, policia zbardh EMRAT
- 14:42 Protestuesit përplasen me faturinon dhe shoferin e autobusit të Tufinës (VIDEO)
- 14:31 Tragjedi në Tajlandë, 11-vjeçari drejton një kamionçinë drejt budistëve në një pelegrinazh, vriten 8 murgj
- 14:29 Kryetari i Kuvendit reagon pas protestës: Dhuna ndaj policisë dhe deputetëve është e papranueshme
- 14:26 Lituania shfuqizon dispozitën kushtetuese që ndalon armët bërthamore
- 14:22 Të shtëna me armë në qendër të Podujevës, 3 të plagosur