Kush është Gert Shehu, i riu që goditi me grusht kreun e PD-së

Gert Shehu, 31-vjeçari që goditi me grusht mesditën e sotme kreun e PD-së, Sali Berisha jeton në një pallat në rrugën “Shyqiri Ishmi” në Tiranë.

Në këtë banesë ai jeton bashkë me nënën e tij. Euronews Albania shkoi pranë banesës së të riut, por në të nuk ndodhet asnjë person.

Mësohet se i riu i përket besimit mysliman dhe vizitonte herë pas here xhaminë e Tabakëve.

Sipas autoriteteve ai vuan nga probleme të shëndetit mendor.

Diagnoza paraprake, siç thuhet në dokument, lidhet me çrregullim psikotik të papërcaktuar.

I riu rezulton edhe me precedent të mëparshëm kriminal për plagosje, prishje të qetësisë publike dhe në fushën e narkotikëve.

Aktualisht Shehu ndodhet në spitalin e Traumës duke marrë mjekim, pasi u godit nga simpatizantë dhe mbështetës të PD-së, pasi kreu sulmin.

LEXONI GJITHASHTU:

• Sulmi ndaj Berishës, Policia: Agresori vuan nga probleme të shëndetit mendor
• Sulmi fizik ndaj Berishës, Bardhi: Akt burracak i Edi Ramës
• Sulmi ndaj Berishës, reagon Lulzim Basha