Sulmi ndaj Berishës, Policia: Agresori vuan nga probleme të shëndetit mendor

Policia e Tiranës ka reaguar për sulmin ndaj kreut të Partisë Demokratike, Sali Berisha.

Në një njoftim uniformat blu sqarojnë se Gerti Shehu vuan nga probleme të shëndetit mendor dhe trajtohej prej vitesh.

I riu rezulton edhe me precedent të mëparshëm kriminal për plagosje, prishje të qetësisë publike dhe në fushën e narkotikëve.

Reagimi i Policisë së Tiranë: 

Në lidhje me incidentin e ndodhur në orën 12:25, në tubimin e organizuar ditën e sotme, gjatë të cilit shtetasi G. Sh. goditi me grusht, deputetin S. Berisha, ju bëjmë me dije se:

Specialistët për Hetimin e Krimeve të DVP Tiranë po kryejnë veprimet procedurale për shtetasin G. Sh., 31 vjeç, banues në Tiranë, për veprën penale “Goditje për shkak të detyrës”.

Nga verifikimet paraprake rezulton se 31-vjeçari ka precedentë të mëparshëm kriminal, për plagosje, prishje të qetësisë publike dhe në fushën e narkotikëve.

Gjithashtu, sipas diagnozës klinike, të vënë në dispozicion nga familjarët e tij, 31-vjeçari vuan nga çrregullime psikotike dhe trajtohej prej vitesh, për këtë.

Hetimet po vijojnë, nën drejtimin e Prokurorisë së Tiranës, për të zbardhur plotësisht rrethanat e ngjarjes.

LEXONI GJITHASHTU:

• Sulmi fizik ndaj Berishës, Bardhi: Akt burracak i Edi Ramës
• Sulmi ndaj Berishës, reagon Lulzim Basha
• FOTO | Përlotet protestuesi me Berishën dhe fjalimin e tij