FOTO | Përlotet protestuesi me Berishën dhe fjalimin e tij

Kryetari i Partisë Demokratike, Sali Berisha ka mbajtur fjalën e tij sapo mbërriti në oborrin e selisë blu, pas përfundimit të protestës.

Të shumtë ishin protestuesit të cilët e ndoqën kryedemokratin deri në seli dhe njëri prej tyre, u përlot teksa Berisha po fliste.

Gerti Shehu, 31-vjeç sulmoi mesditën e së martës kreun e PD-së Sali Berisha, teksa ky i fundit ishte duke marshuar drejt bulevardit “Dëshmorët e Kombit” për të marrë pjesë në protestë.

31-vjeçari goditi me grusht në fytyrë Berishën duke e gjakosur. Ai u ndalua menjëherë nga truprojat e Berishës dhe ndërkohë u dhunua nga mbështetës dhe simpatizantë të PD-së.

31-vjeçari u shoqërua nga policia dhe aktualisht po merr mjekim në spitalin e Traumës, pasi ka dëmtime në fytyrë dhe fraktura në hundë.

Oficerët kanë tentuar dy herë për të marrë në pyetje të riun, por për shkak të gjendjes së tij shëndetësore, ai nuk ka dhënë deri tani asnjë dëshmi.

Dyshohet se 31-vjeçari vuan nga probleme të shëndetit mendor. Berisha ka akuzuar Ramën për ngjarjen.

LEXONI GJITHASHTU: 

• “Lironi mjeranin që më goditi”, thirrja e Berishës ndaj Policisë
• Dëmtime në fytyrë, gjendja shëndetësore e 31-vjeçarit që goditi Berishën
• Sulmi ndaj Berishës, gazetari Hoxha: Deputetët e PD-së u tronditën