Sulmi ndaj Berishës, gazetari Hoxha: Deputetët e PD-së u tronditën

Gazetari i Euronews Albania, Ardit Hoxha deklaroi se deputetët e Partisë Demokratike u tronditë dhe shokuan pasi një qytetar goditi me grusht kryedemkratin, Sali Berisha.

Hoxha u shpreh se kishte edhe nga ata të cilët nuk e besonin se një akt i tillë ndodhi.

“Ka qenë shumë e vështirë në fakt, si për të marrë komente e reagime nga deputetë apo funksionarë të ndryshëm të Partisë së Lirisë dhe të Partisë Demokratike gjatë këtyre momenteve.

Por ajo që mund të konfirmoj është që ka pasur një situatë shoku dhe tronditjeje pothuajse te të gjithë deputetët apo drejtues të Partisë Demokratike. Kishte edhe nga ata që nuk e besonin një akt të tillë”, theksoi Hoxha.

Kryetari i Partisë Demokratike, Sali Berisha u sulmua teksa po marshonte në krah të kreut të Partisë së Lirisë, Ilir Meta dhe mbështetësve, në drejtim të Bulevardin “Dëshmorët e Kombit”.

Berisha u godit me grusht dhe u gjakos nga 31-vjeçari Gerti Shehu, i cili u neutralizua nga truprojat e Berishës, por ndërkohë u sulmua nga simpatizantë të PD-së.

Fillimisht atij është dhënë ndihmë në selinë blu dhe më pas është transportuar drejt spitalit.

LEXONI GJITHASHTU

• “Skizofren, orkestrove sulmin”, Meta akuza Ramës: Koha për të vepruar
• Zbulohet identiteti i personit që goditi me grusht Berishën
• VIDEO | Momenti kur agresori çan kordonin e sigurisë dhe sulmon Berishën