Zbulohet identiteti i personit që goditi me grusht Berishën

Zbulohet identiteti i personit që sulmoi me grusht në fytyrë kruen e Partisë Demokratike, Sali Berisha.

Euronews Albania mëson se agresori është Gerti Shehu 31-vjeç.

Ky i fundit ndodhet në Spitalin e Trumës duke marrë mjekim, ndërkohë që është shoqëruar edhe nga Policia.

Pas sulmit ai u neutralizua nga truproajt e Berishës dhe ndërkohë u dhunua nga simpatizantë dhe mbështetës të kreut të PD-së.

Në bulevarin “Dëshmorët e Kombit” vijon protesta e opozitës. Demokratë kanë  ngritur skenën me regji lëvizëse para Hotel Dajtit dhe nuk janë përpjekur të shkojnë para Kryeministrisë, ku është vendosur edhe perimetri i sigurisë.

Pas incidentit Berisha u shpreh: “Populli i opozitës, populli i fitores. Poshtë Edi Rama, poshtë kriminelët. Ne do të triumfojmë. Rroftë opozita shqiptare. Nderim ju që jeni sot këtu së bashku për të protestuar kundër regjimit të horrave dhe kriminelëve. Nder përjetë, popullit protestues”.

LEXONI GJITHASHTU:

• VIDEO | Momenti kur agresori çan kordonin e sigurisë dhe sulmon Berishën
• Berisha reagon pasi u godit nga një qytetar
• Protestuesit e PD-së marshojnë në bulevardin “Dëshmorët e Kombit”