“Kush është ky?!”, Açka shpërthen ndaj Ramës: Ka sjellje satanike

Deputetja e PD-së, Flutura Açka i cilësoi sjelljet e kryeministrit Rama si “satanike” gjatë fjalës së saj në Kuvend.

Ajo u shpreh se nuk e duron dot qëndrimin e tij.

“Kush është ky, po pyes publikisht shqiptarët, që na thotë ne se jemi të pa fe, që nuk kemi din dhe iman, ky njeri që është pinjoll i atyre etërve që frymëzuan 55 vite më parë të shkatërronin kultet fetare, që i depërtuan klerikët, i arrestuan, disa prej të cilëve akoma nuk e dinë ku i kanë varret dhe familjarët nuk e dinë ku i kanë që t’i qajnë? Kush është ky që na thotë ne nuk kemi atdhe, ky që harxhon nga atdheu miliona euro në ajër duke ja hequr skalpin shqiptarëve,” – deklaroi Açka.

Deputetja tha se Rama që flet për atdhe ka lënë pa atdhe gati 1 milionë shqiptarë në vitet e qeverisjes së tij.

Sipas saj Rama është truri i kokës së krimit dhe është ai që duhet ti nxjerrë në pah të gjithë “rublaxhinjtë” për të cilët flet e kësisoj i bën një nder opozitës dhe shqiptarëve.

LEXONI GJITHASHTU:

• Gazment Bardhi përjashtohet për 5 ditë nga Kuvendi dhe Komisionet Parlamentare
• Berisha: Brenda 2 ditëve vendosim datën e protestës së radhës