Kush ikën dhe kush vjen në qeverinë “Rama 4”

Kryeministri Edi Rama ka prezantuar ditën e sotme qeverinë e re të mandatit të 4. Disa prej emrave janë të rinj dhe disa të tjerë kanë lëvizur nga vendet aktuale në detyra të reja ministrore.

Belinda Balluku – Vazhdon të ushtrojë detyrën si Zëvendëskryeministre dhe Ministre e Energjisë dhe Infrastrukturës.

Albana Koçiu – Emërohet në krye të Ministrisë së Punëve të Brendshme, duke zëvendësuar Ervin Hoxhën. Më herët drejtonte Ministrinë e Shëndetësisë.

Elisa Spiropali – Merr drejtimin e Ministrisë për Evropën dhe Punët e Jashtme, pas Igli Hasanit. Ajo vjen nga posti i drejtueses së Kuvendit.

Petrit Malaj – Mbështetet sërish për të vijuar mandatin në krye të Ministrisë së Financave.

Blendi Gonxhja – Emërohet Ministër i Kulturës, Turizmit dhe Sportit. Ai vjen nga Ministria e Ekonomisë, Kulturës dhe Inovacionit, dhe pason Mirela Kumbaron.

Sofjan Jaupaj – Kalon nga pozita e zëvendësministrit në drejtimin e plotë të Ministrisë së Mjedisit.

Mirela Kumbaro – Kalon në drejtimin e Ministrisë së Arsimit, pasi më parë drejtonte Ministrinë e Turizmit.

Evis Sala – Emërohet Ministre e Shëndetësisë dhe Mirëqenies Sociale, duke ardhur nga Italia.

Delina Ibrahimaj – Do të drejtojë Ministrinë e Ekonomisë dhe Inovacionit. Më parë ishte në krye të Ministrisë së Shtetit për Sipërmarrjen dhe Klimën e Biznesit.

Diella – Pjesëmarrësja e parë virtuale në qeveri, e krijuar nga Inteligjenca Artificiale. Do të angazhohet në fushën e prokurimeve publike, me një mandat për të ndikuar në përshpejtimin e proceseve qeverisëse.

Besfort Lamallari – Emërohet Ministër i Drejtësisë, duke marrë stafetën nga Ulsi Manja, i cili do të udhëheqë Komisionin Parlamentar të Ligjeve.

Pirro Vengu – Vijon mandatin e tij si Ministër i Mbrojtjes.

Andis Salla – Emërohet në krye të Ministrisë së Bujqësisë dhe Zhvillimit Rural. Deri tani ka qenë kryetar i Bashkisë së Cërrikut.

Ervin Demo – Merr postin e Ministrit të Shtetit për Pushtetin Vendor, në vend të Arbjan Maznikut.

Majlinda Dhuka – Rikonfirmohet në rolin e Kryenegociatores së Shqipërisë në procesin e integrimit.

Adea Pirdeni – Vazhdon detyrën si Zëvendëskryenegociatore e Shqipërisë.

Toni Gogu – Emërohet Ministër për Marrëdhëniet me Parlamentin, më parë në vendin e tij ishte Taulant Balla.

LEXONI GJITHASHTU:

• Diella ministrja e parë AI në qeverinë Rama! Do jetë përgjegjëse për tenderët
• Rama ia beson “Shëndetësinë” një shqiptareje nga diaspora, kush është Evis Sala