Kush ishte jeta e atentatorit të Trump? Gazetarja: “I vetmuar, e përbuznin.”

Gazetarja Keida Kostreci ka zbuluar detaje lidhur me identitetin e 20-vjeçarit që hapi zjarr ndaj Trump. Thomas nuk kishte shfaqur qëndrime apo deklarata të bujshme në rrjetet sociale kundër ish-presidentit.

“Ai ishte një republikan i regjistruar, madje kishte bërë një dhurim të vogël ndaj një organizate që mbështeste  Partinë Demokrate. Miqtë e tij  e kanë përshkruar si një njeri që qëndronte i vetmuar, nuk fliste shumë dhe e ngacmonin shumë të tjerët.”- tregoi ajo.

Pavarësisht kësaj, Kostreci tha gjithashtu se 20-vjeçari nuk kishte pasur probleme të shëndetit mendor apo një histori kriminale pas tij.

“Detajet që kanë dalë nuk hedhin shumë dritë mbi motivacionin e veprimit të tij. Autoritetet kanë në dorë një telefon të tij, që shpresojnë se mund t’i qartësojë për arsyet që e shtynë drejt këtij hapi ekstrem.”-tha gazetarja.

LEXONI GJITHASHTU:

• Atentati ndaj tij, Trump zotohet se do t’i bashkojë amerikanët
• Pesë pyetje për Shërbimin Sekret pas sulmit ndaj Trump