Pesë pyetje për Shërbimin Sekret pas sulmit ndaj Trump

Shërbimi Sekret Amerikan do të duhet t’i përgjigjet disa pyetjeve të rëndësishme  pas sulmit ndaj Donald Trump në një tubim në Pensilvani.  Ndërsa SHBA kërkon përgjigje, drejtori i Shërbimit Sekret është thirrur për të dëshmuar para një komiteti të Dhomës së Përfaqësuesve të SHBA më 22 korrik.

Pse çatia e personit të armatosur nuk ishte  e siguruar paraprakisht?

Mbetet e paqartë se si kishte akses personi i armatosuri ,Thomas Mattheë Crooks në chatinë ë ndërtesës pranë tubimit që ishte pak më shumë se 130 metra (430 ft) nga Trump.

NBC News citoi dy burime të njohura me operacionet e Shërbimit Sekret.

“Dikush duhet të ishte në çati ose të kishte siguruar ndërtesën në mënyrë që askush të mos mund të ngjitej në çati,” citoi NBC të thoshte një nga burimet.

Përveç pyetjes së aksesit, është sugjeruar që linja e shikimit nga çatia deri në zonën e podiumit të Trump duhet të ishte bllokuar.

A u  paralajmërua dikush për personin e armatosur?

Një dëshmitar okular i të shtënave i tha BBC-së se ai dhe të tjerët e kishin parë “qartë” Crooks duke u zvarritur në çati me një pushkë. Ata lajmëruan policinë, por i dyshuari vazhdoi të lëvizte për disa minuta para se të hapte zjarr.

Sherifi i qarkut ka konfirmuar se Crooks u pikas nga një oficer i policisë lokale, i cili nuk ishte në gjendje ta ndalonte në kohë. Diçka që mbetet e paqartë është nëse ky informacion ka arritur te agjentët rreth Trump.

A ishte Shërbimi Sekret shumë i varur nga policia lokale?

Personi i armatosur qëlloi  nga ajo zonë  që policia e përshkruan si një “unazë dytësore”, e cila patrullohej jo nga Shërbimi Sekret, por nga oficerë lokalë dhe shtetërorë.

Një ish-agjent i Shërbimit Sekret tha se kjo lloj marrëveshje funksiononte vetëm kur kishte një plan të qartë se çfarë të bëhej kur vihej re një rrezik.

Sherifi i qarkut ka pranuar se kishte pasur “një dështim”, por tha se nuk kishte asnjë palë të vetme për të fajësuar.

A pati mjaftueshëm forca sigurie?

Shërbimi Sekret ka mohuar sugjerimet se një kërkesë nga ekipi Trump për të shtuar stafin ishte refuzuar përpara tubimit.

Por Post raportoi se kishte parë një shkëmbim mesazhesh në të cilat një ish oficer i Shërbimit Sekret pyeti kolegët se si i dyshuari kishte marrë një armë kaq afër Trump. Ai u raportua se kishte marrë përgjigjen: “Burimet”.

A u hoq Trump nga skena mjaft shpejt?

Agjentët që mbronin Trumpin kanë marrë lëvdata, por krahas kësaj është shtruar edhe pyetja nëse ata ishin mjaft të shpejtë për ta çuar ish-presidentin në një automjet.

Pamjet e incidentit tregojnë se ata formuan me shpejtësi një mburojë rreth tij menjëherë pas të shtënave, por më pas duken ndaluan ndërsa Trump kërkoi të mblidhte këpucët e tij.

Një veteran i Shërbimit Sekret tha për New York Times se nuk duhet të kishin pritur. “Nëse do të isha unë atje, jo.” tha Jeffrey James. “Nëse do të isha  unë, do t’i bleja një palë këpucë të reja”.

LEXONI GJITHASHTU:

• I regjistruar si republikan, kush është 20-vjeçari që tentoi të vriste Donald Trump
• Atentati| Donald Trump: Supozohet të kem vdekur, më shpëtoi fati ose Zoti