Kush ishte shënjestra? Gazetari: Lidhjet mes atentatit në Lezhë dhe atij në Tiranë

Gazetari Sokol Dema tha në emisionin Review në Euronews Albania se policia e Tiranës ende nuk e ka të qartë se kush ishte shënjestra e vërtetë e atentatit me 4 të plagosur mbrëmjen e së enjtes në kryeqytet.

Ai tregoi se lidhja mes atentatit ndaj babait të Roan Brahimit po atë mbrëmje në Pllanë të Lezhë dhe atentatit me 4 të plagosur bë Lundër është bërë mbi disa elementë të zbuluar gjatë hetimit, që deri në një pikë e justifikojë alibinë se shënjestër mund ishte bashkëshortja e Roan Brahimit, por asgjë nuk është konfirmuar plotësisht.

“Ka qenë orë 20:00 e së enjtes kur u ekzekutua babai i një prej personave më të përfolur të krimit vitet e fundit, babai i Roan Brahimit. Kur të gjithë po merreshin me këtë ngjarje ndodh atentatit në Tiranë, në dukje ngjarje të ndara ku u plagosën 4 persona kishte një pikëpyetje të madhe kur u zbulua se kishte 2 të mitur të plagosur. Sot që flasim policia s’e ka qartësuar ende kush ishte shënjestër, gruaja e Roan Brahimit kishte një makinë të ngjashme dhe traga të ngjashme dhe ky element e bëri policinë të dyshonte, është marrë në pyetje nuk ka pasur në dijeni, por s’e ka përjashtuar si mundësi. Nëse këtu në Tiranë policia s’e ka ende të qartë kush ishte shënjestra, ka disa dyshime të policisë për ndonjë para me fajde por asgjë e konfirmuar. Zona ku ka ndodhur ngjarja është e mbipopulluar me njerëz të botës së krimit,  kjo ka bërë që mund ë jetë ngatërruar shënjestra. Në vendin ku ka ndodhur ngjarja, ata kanë qëndruar edhe një ditë më parë, duke pritur ose vëzhguar dhe kanë qenë të armatosur”, tha gazetari.

LEXONI GJITHASHTU:

• Atentati me 4 të plagosur në Tiranë, gjendet i djegur motori i përdorur nga autorët
• Flet dëshmitari i atentatit në Tiranë, merret në pyetje gruaja e Roan Brahimit