Kush janë dy serbët e përmendur nga Kurti për sulmin në Banjskë

Nemajna Radivojeviç me nofkën “Gandi” dhe Vladimir Radivojeviç me nofkën “Mami”, janë dy serbët që terroristi Milan Radojiçiç ka angazhuar për të realizuar sulme në veri, tha të martën në konferencë për media kryeministri Albin Kurti.

Por kush janë dy personat që kryeministri Kurti tha se kanë marrë pjesë në agresionin në Banjskë të Zvecanit.

KosovaPress mëson se Vladimir Radivojeviç, i njohur me nofkën “Mami” konsiderohet si njëri nga personat më me ndikim dhe të besueshëm të Milan Radoiçiç.

I njëjti ka lidhje të shumta me politikanë serbë dhe me grupe të ndryshme kriminale që kanë operuar në veri të vendit. Është anëtarë i ekipit të tifozëve “Delije” nga Zveçani, punonjës i MTS në Mitrovicë të veriut, si dhe aktor i shumë ngjarjeve të dhunshme në veri të Kosovës.

Burime të KosovaPress-it bëjnë të ditur se gjatë barrikadave të muajit dhjetor 2022 në veri të vendit, ai ka qenë personi kyç për transportin dhe shpërndarjen e armatimit tek personat e besueshëm të tij.

LEXONI GJITHASHTU:

• Kurti këmbëngul: Do t’i përgjigjem Prokurorisë Speciale nëse vjen në Kryeministri
• Kurti: Radoiçiç dha urdhrin për sulmin në Zubin Potok, u financua nga Serbia