Kush janë tre prokurorët që kandidojnë për në SPAK

Këshilli i Lartë i Prokurorisë ka njoftuar zyrtarisht se Olsi Dado, Kreshnik Ajazi dhe Albert Kulici, kanë dorëzuar aplikimin për të qenë pjesë e garës për 3 vendet vakante në Prokurorinë e Posaçme.

Kandidati Kreshnik Ajazi, aktualisht është drejtues i Prokurorisë së Elbasanit, prokuror i cili ka nën hetim dosjen e të penduarit Artan Tafani, që zbardhi 6 vrasje, të cilat ishin porositur dhe organizuar nga Laert Haxhiu. Hetimet e kësaj çështjeje zbuluan edhe organizimin për vrasjen e prokurores së spak doloreza Musabelliu.

Kandidati tjetër Albert Kuliçi ka qenë prokuror në Vlorë, ndërsa aktualisht ai e ushtron detyrën në prokurorinë e Tiranës. Në vitin 2019 Kulicit iu vendos eksploziv në makinë.

Olsi Dado aktualisht është i komanduar prej disa muajsh në SPAK ndërsa më ushtruar funksionin në prokurorinë e përgjithshme.

Ai u komandua në strukturën antikorrupsion me kërkesë të kreut të saj Altin Dumani, për shkak të volumit të dosjeve.

Afati i fundit për aplikime për tre vende vakante në SPAK është dita e hënë, 16 tetor 2023, ku në vijim priten që prokuror të tjerë të dorëzojnë kandidaturat.

Me zgjedhjen e 3 prokurorëve të rinj, SPAK plotëson organikën në bazë të ligjit me 20 të tillë.

LEXONI GJITHASHTU:

• EMRI| Iu vu tritol në 2019, kush është kandidati i parë për 3 vendet vakante në SPAK
• Dyshohet se ndërtoi minën tek vrasja e Vajdin Lamaj, paraqitet në SPAK Çervenkovski