Kush udhëton më lehtë pa vizë: Lista e re e pasaportave më të fuqishme në botë

Në listën më të fundit të pasaportave më të fuqishme, pasaporta e Emirateve të Bashkuara Arabe zë vendin e parë ndërsa Siria në vendin e fundit.

Lista e fundit është publikuar nga “Passport Index”, dhe kriteri kryesor ka qenë numri i vendeve në të cilat mund të hyhet me pasaportë pa vizë. Lista përfshin 98 vende.

Mbajtësit e pasaportave të Emirateve të Bashkuara Arabe mund të udhëtojnë në 180 vende pa vizë, vendin e dytë e ndajnë pesë vende – Gjermania, Spanja, Franca, Italia dhe Holanda, qytetarët e të cilëve mund të udhëtojnë në 178 vende pa vizë.

Vendin e tretë e ndajnë edhe pesë shtete – Suedia, Finlanda, Luksemburgu, Austria dhe Zvicra, me pasaportën e të cilave mund të udhëtoni në 177 shtete.

Gjashtë shtete janë në vendin e katërt – Danimarka, Belgjika, Portugalia, Polonia, Irlanda dhe Koreja e Jugut, dhe ata që mbajnë këto pasaporta mund të udhëtojnë në 176 vende pa viza.

Në vendin e pestë janë tetë vende – Singapori, Greqia, Norvegjia, Republika Çeke, Britania e Madhe, Hungaria, Japonia dhe Zelanda e Re, qytetarët e të cilëve mund të udhëtojnë në 175 vende pa viza.

Shtetet e Bashkuara e ndajnë vendin e gjashtë me Sllovakinë dhe Australinë dhe me atë pasaportë mund të hyni në 174 vende.

Vendi më i renditur nga rajoni është Sllovenia, e cila është në vendin e shtatë, e ndjekur nga Kroacia në vendin e 10-të.

Pasaporta e Maqedonisë së Veriut është në vendin e 36-të, Malit të Zi në vendin e 37-të, si dhe pasaporta turke, me të cilën mund të udhëtoni në 129 shtete.

Pasaporta e BiH është në vendin e 44-të dhe ata që e posedojnë mund të udhëtojnë në 121 vende pa vizë.
Në fund të listës janë, përveç Sirisë, Afganistani, Iraku, Somalia dhe Pakistani.

LEXONI GJITHASHTU:

• Zbulohet skema/ Para për pasaporta bullgare, tre zyrtarë të arrestuar në Bulqizë
• OJQ-të serbe mbështesin heqjen e vizave për shtetasit e Kosovës me pasaporta serbe