Kushëriri i Assad: Xhihadistë nga e gjithë bota në Siri, mes tyre dhe shqiptarë

Këtë të mërkurë në Euronews Albania foli në një intervistë ekskluzive Ribal al-Assad, kushëriri i parë i liderit të rrëzuar të Sirisë, Bashar al-Assad.

I pyetur nga gazetari Thimi Samarxhiu nëse ka pasur shqiptarë që kanë kontribuar në rrëzimin e regjimit të Asadd ai tha se xhihadistët që janë mbledhur në Siri janë nga e gjithë bota dhe sigurisht që mes tyre sipas tij ka dhe shqiptarë, por nuk dinte të jepte një shifër.

“Ka pasur xhihadistë nga shumë vende evropiane dhe ka pasur edhe shqiptarë. Nuk jam i sigurtë për numrin pasi ka pasur edhe nga Çeçenia, nga Dagestani nga vende te Azizë Qëndrore por edhe nga Evropa, nga Franca, Belgjika. Kanë qenë kudo, në një farë pike u kthye Siria në një zonë tërheqëse për xhihadistët. Ata u mblodhën për të rrëzuar këtë diktaturë të Sirisë por njëkohësisht u gjendën duke kryer krime dhe një pjesë e tyre u shkëputën nga këto lëvizje. Tani ne na duhet që të gjithë personat që nuk janë sirianë të largohen nga vendi ynë edhe pse e dimë që vendet e mëparshme nga vijnë nuk do ti pranojnë. Ata po përdoren përshembull  nga Katari dhe vënde të tjera”, tha Ribal al-Assad.

LEXONI GJITHASHTU:

• Ekskluzive | Flet në Euronews Albania djali i xhaxhait të Bashar al-Assad
• Djali i xhaxhait të Bashar al-Assad: Rebelët mbështeten nga Erdogan