Kushtetuesja pezulloi marrëveshjen me Italinë, Rama: Mirë për Shqipërinë që…

Kryeministri Edi Rama mbajti këtë të enjte një konferencë me gazetarët, ku u ndal tek Samiti i mbajtur të mërkurën mes vendeve të Ballkanit Perëndimor dhe Bashkimit Evropian.

I pyetur nga gazetarja e Euronews Albania Eksiola Shehu lidhur me vendimin e gjykatës kushtetuese për pezullimin e marrëveshjes me Italinë për emigrantët, Rama tha se është lajm i mirë për Shqipërinë që ka një Gjykatë Kushtetuese që vendos edhe kundër qeverisë.

“Ka vetëm një gjë që mund të them që fakti që Shqipëria ka një Gjykatë Kushtetuese që merr vendime që mund të mos i shkojnë për shtat planit të qeverisë, është mirë për Shqipërinë”, tha Rama.