Kushtetuesja shqyrton ankimimet e Veliajt për shkarkimin dhe dekretin e Presidentit

Gjykata Kushtetuese po shqyrton këtë të enjte ankimimet e ish-kryebashkiakut Veliaj.

Sipas gazetares së Euronews Albania, Enkelejda Mema, Gjyqtarët kushtetues janë në një mbledhje prej disa orësh, e cila është mbajtur sekret, dhe po shqyrtojnë ankimimet e mbrojtjes së Veliajt.

I pari është për rrezimin e vendimit të Qeverisë për shkarkimin e Veliajt, dhe më pas një ankimim i dytë, pasi Presidenti Begaj dekretoi 9 nëntorin për zgjedhjet e pjesshme edhe për Tiranën.

Pala e Veliajt ka bërë këtë ankimim të dytë, i cili sipas saj është në shkelje të Kushtetutës.

Gjyqtarët janë ende në mbledhje. Mësohet se ka qëndrime të ndryshme lidhur me këtë çështje, nëse duhet pezulluar apo jo dekreti i Presidentit për zgjedhjet në Tiranë.

Më pas duhet të shqyrtohet edhe ankimi i dytë për shkarkimin nga Qeveria të Veliajt.

Do presim në vijim nëse do të pezullohen apo jo zgjedhjet për Bashkinë e Tiranës dhe nëse vendimi i Këshillit të Ministrave për shkarkimin e Veliajt ishte në përputhje me Kushtetutën apo jo.

Kjo mbledhje vjen në afatet e fundit, duke marrë parasysh që avokatët e Veliajt e kishin ankimuar të enjten e kaluar dhe afati ishte 10 ditë.

LEXONI GJITHASHTU:

• Tirana nuk shkon në zgjedhje më 9 nëntor, Kushtetuesja rrëzon Presidentin
• Rama: Veliaj u çua në paraburgim pa gjyq, por Tirana nuk mund të presë