Kushtetutshmëria e reformës së pensioneve në Francë, merret vendimi më 14 prill

Këshilli Kushtetues i Francës do të marrë një vendim për kushtetutshmërinë e reformës së sistemit të pensioneve të premten, më 14 prill.

Kur bëhet fjalë për reformat e sistemit të pensioneve, Këshilli Kushtetues ose “këshilli i të urtëve” siç e quajnë në Francë, mund të konfirmojë përputhshmërinë e tekstit të ligjit, ose të kundërshtojë disa masa, domethënë të censurojë tekstin si një e tërë, raporton BFM TV.

Ndërkohë, zyra e kryeministres franceze Elizabeth Bourne thotë se “Pallati Matignon (rezidenca e kryeministrit) pret në fillim të javës së ardhshme sindikatat” të cilët janë gati të bisedojnë me pushtetin ekzekutiv për reformën e sistemit të pensioneve.

Kreu i sindikatës së punëtorëve të hekurudhave (SUD Rail) Eric Meyer tha se protestat nuk do të kenë fund nëse Këshilli Kushtetues nuk anulon tekstin e ligjit që u votua në parlamentin francez.

Sot Franca është i vetmi vend në botë që kontrollon kushtetutshmërinë nëpërmjet një organi të posaçëm shtetëror, Këshillit Kushtetues, i cili nuk është as thjesht gjyqësor dhe as thjesht politik, por vendimet që merr janë përfundimtare, të zbatueshme dhe të detyrueshme për të gjithë.

LEXONI GJITHASHTU:

• Dita e 10-të e protestave në Francë, qytetarët: Macron të anulojë reformën
• Media franceze: Zbuloni Shqipërinë dhe historinë e saj gjatë sistemit komunist